Während aui Andere no im Töifschlaf gsi si, isch üsi Jugendriege uf Aarau ads Eidgenössische Turnfest greist. Bereits um 06.30 Uhr simer uf Platz gstande und si gspannt gsi, was üs erwartet.
Nachemne churze iiwärme heimer üs füre erst Wettkampfteil bereit gmacht: Gymnastik Chliifeld und Wiitsprung. Mit de Leistige meh oder weniger zfride, heimer üs de scho ufe zwöit Wettkampfteil müesse vorbereite; Hindernislouf und Spieltest Allround.
Am Schluss simer aui de no ar Pendelstafette gstartet, wo mr nomau aues gäh heii.
Nachere churze Mittagspouse heimer de no chle Zyt gha zum ds Festgländ erkunde.
Da mr so früeh am Morge si ufgstande, isches de gli Zyt worde zum wider heiigah & so sii aui Chind müed und voller Idrück vo somne grosse Turnfest wider däheime aacho.
Folgendi Resultat heimer erreicht:
Gymnastik Kleinfeld: 8.98
Weitsprung: 8.66
Spieltest Allround: 9.99
Hindernislauf: 8.84
Pendelstafette: 8.83
D Schlussrangliste isch no nid bekannt und düe mr im ETF 2019, Part 2 bekannt gäh.
Glichzitig si no 4 Einzukämpfer imne Liechtathletik 4-Kampf bzw. 6-Kampf gstartet. Ou da heimer aues gäh, um üsi beste Leistige abzrüefe. “Derbi si isch aues”.
D’Schlussrangliste isch no nid bekannt und wird im ETF 2019, Part 2 bekannt gäh.
Di erste Idrück findet dir hie:
Nächst Wuuche starte mr mitem Part 2, wo üsi Aktivriege, sowie d Männerriege wie folgt im Isatz isch:
Donnerstag, 20. Juni 2019 / Aktivriege
08.00 Uhr Fachtest Allround
09.30 Uhr Pendelstafette
09. 30 Uhr Gerätekombi
10.36 Uhr 800 Meter Lauf
10.36 Uhr Kugelstossen
10.42 Uhr Gymnastik Kleinfeld
Samstag, 22. Juni 2019 / Männerriege
10.24 Uhr Fit + Fun 1
12.00 Uhr Fit + Fun 2
13.54 Uhr Fachtest Allround
13.54 Uhr Fit + Fun 3