Ds ganze letschte Wucheänd si di Aktive z Zuchwiu am turne gsi. Wie am Trainingsweekend üblech, hei mir drvo chönne profitiere i aune Wettkampfteili gnue lang und gnau chönne häre z luege; zudem munklet me ds d Haue derte äs Müh grösser söu si aus z Ammerzwiu.
Mir hei grossi Fortschritt chönne mache und ds Füür für ads Turnfescht Kerzers so richtig chönne entfache.
Dr Abe hei mir z Solothurn gnosse und paari hei du no chlei dr 4. Wettkampfteu trainiert – so isches du ou kes Wunder si d Chräft ufem Heiwäg gschwunde (siehe Foto).
Merci ah aui wo zu däm coole Wucheänd bitreit hei und natürlech: Viva viva TVA!