Top motiviert und top erholt simer i üse Trainingstag 2019 gstartet. Mir hei nid nume üses nöie Grätkombiprogramm und üsi Gymnastik trainiert, sondern ou dr Fachtest und aui andere Diszipline.
Bi sunnigem Wätter und heisse Temperature heimer aues gäh und si (fast) parat für ds Eidgenössische Turnfest. 🙂
Wär scho eh chline Vorgschmack möcht bercho; Mir wärde am Samstig, 04. Mai 2019 ds Rapperswil am Gymnastik & Team Aerobic Kurs si. 14.00 Uhr wird üsi Jugi d Gymnastik vorfüehre und um 15.20 Uhr di Aktive. See you there and let’s rock! 😉