Am erste Wucheänd im September hei sech es paar Turner und Turnerinne vor Aktiv,-Männer und Senioreriege zämegschlosse, zum eh Reis ds ungernäh. Si hett üs uf Luzern gfüehrt und vo dert ufs Stanserhorn. Es paar ganz muetigi und wasserfesti Turner hei sech i Rägejacke, Rägehose, Ghüdersäck und Pellerine packt u hei eh Wanderig mit viu “Wiitsicht” ungernoh. Die weniger wasserfeste hei sech ir Beiz mit Jasse und “Tschou Sepp” d Zyt vertriibe. Nach dem verrägnete Tag hei mr üs es feins Znachtässe verdient, dank dr Vorreservation hett dert aues wunderbar funktioniert und gässe heimer sehr guet! Vo dert isch witer gange is Nachtläbe vo Luzern. Nachemne Zwüschehaut ir Brauerei, hetts eh Teil vo üs no witer verschlage. Doch ou hie gilt “Was ds Luzern passiert, blibt in Luzern” Nur soviel; Wenn d’Tochter mitem Papi ds erst mau i Usgang geit und Anderi nachemne “Absacker” erst am viertu ab 5ii am Morge heiichöme, so entstöh viu lustigi Moment.
Am nächste Morge, eh Teil vo üs isch eher unfreiwillig ds früeh go uschecke, heimer üs Luzern ufemne Foxtrail gneuer aagluegt. Die Tour hett üs viu intressanti Plätz zeigt und am Schluss hei de ou aui de Foxtrail erfolgriich chöne beeände.
Gmüetlech mitem Zug simer de wider i üsem Heimatkanton heiicho. Üsi Gsamtvereinsreis isch trotz verrägnetem Samstig eh volle Erfolg gsi! Di ganzi Turnerreis isch uf Video festghalte worde, die verschidene Highlights fingsch uf üsem Facebook,- sowie Instagramaccount und unger däm Link:
